Dhuusamareeb (Idaacadda Daar-Dheer)-Pep Guardiola ayaa diiday in uu xaqiijiyo in uu Erling Haaland taam u noqon karo kulanka leicester City ee premier League xilli uu ka hadlayay shirka ka horeeyay kulanka.Xiddiga reer Norway ayaa la badalay qaybtii Nasashada ee kulankii Champions league ee Dortmund sabab la xidhiidha daal, xumad iyo dhaawac lugta ah.Guardiola ayaa sheegay in xaalada xiddigu horumar samaysay isla markaas xiddigu ka qayb qaatay tababarka laakiin uuna hubin in uu ka qayb ahaan doono kulanka Leicester City.“Waxa uu dareemaya fiicnaan laakiin maanta galinka dambe ayaan tababar qaadan doonaa, waxa aanu qiimayn doonaa saacado gudahood”ayuu yidhi tababaraha reer Spain.“Waan arki doonaa sida uu dareemayo ka dibna go’aan ayaan gaadhi doonaa”.