Dhuusamareeb (Idaacadda Daar-Dheer)-Gudoomiyaha degmada, cadaado Wasiirro ka tirsan dowlad goboleedka Galmudug ,Culumaamu’diin iyo marti sharaf kale ayaa ka soo qeyb galay munaasabadda dhagax dhigga xarunta saari-Al-Imaam al-shaafici oo cilmiga diiniga ah iyo kan maadigaba lagu baran doono.
Gudoomiyaha degmada Cadaado Faarax Diiriye Warsame ayaa uga mahad ciliyay Jamciyadda khayriga ah ee Al-furqaan hirgalinta ceel biyoodkan iyo aasaaska Markazkaan la dhagax dhigay oo dadka deegaanku uga faa’iidaysan doonaan barashada diinta.
Sidoo kale gudoomiyuhu waxa uu bulshada uga digay inay cabirtaan dhulka danta guud iyo dhulka daaqsinta xoolaha ah, isagoo sidoo kale xusay inay la dagaalami doonaan xaalufinta deegaanka.
Warkan waxaa soo jeedinaya;- Liiban Maxamed Cabdi.