Dhuusamareeb (Idaacadda Daar-Dheer)-Ku simaha duqa Degmada Gaalkacyo ahna Gudoomiye ku xigeenka Degmada Eng: Maxamed Cabdi Cilmi oo ay weheliyaan xoghayaha Dowladda hoose ee Degmada Gaalkacyo Cabdiqani Maxamuud Axmed iyo madaxa barakacayaasha Degmada Gaalkacyo Haruuse Cismaan Daahir ayaa xarunta Dowladda hoose ku qaabilay madax ka socotay Hay,adda DRC oo ay ka wada hadleen hormarinta iyo daryeelidda barakacayaasha ku nool Degmada Gaalkacyo.
Ku simaha Duqa Degmada Gaalkacyo ahna Gudoomiye ku xigeenka Degmada Eng: Maxamed Cabdi Cilmi oo ugu horeyn xubnaha ka socday hay,adda DRC kusoo dhaweeyay aqalka Dowladda hoose ayaa kaga mahadceliyay taageerada ay siiyaan barakacayaasha ku nool Gaalkacyo , isagoo la wadaagay xaaladda guud ee barakacayaasha Gaalkacyo iyo adeegyada deg degga ah ee ay u baahan yihiin si loo daryeelo.
Warkan waxaa soo jeedinaya:- Abdidahir Garad Ali