Dhuusamareeb (Idaacadda Daar-Dheer)25 gaari oo sida gargaar ay soo dirtay Hay’adda Maareynta Musiibooyinka Qaranka ee SoDMA ayaa gaaray magaalada Guriceel, kuwaas oo loogu talagalay in ay ka faa’iideystaan 13,000 oo qoys. Mas’uuliyiin ka tirsan dowlad-goboleedka Galmudug, oo ay ku jiraan Wasiirka Waxbarashada iyo Guddoomiyaha Guriceel, ayaa si rasmi ah ula wareegay gargaarkan. Dadaalkan ayaa ah mid lagu taageerayo dadka u baahan, iyadoo la adkeynayo iskaashiga heer gobol iyo qaran ee ku aaddan wax ka qabashada baahiyaha bani’aadminimo ee deegaanka.
Warkan waxaa soo jeedinaya: Abdidahir Garad Ali