Dhuusamareeb (Idaacadda Daar-Dheer)-Xiddiga khadka dhexe uga ciyaara kooxda Arsenal ee Jorginho ayaa shaaca ka qaaday isla markaas magacaabay xiddiga ugu fiican premier League xilli ciyaareedkan.
Xiddiga reer Italy ayaa ku jira sanadkiisii 5-aad ee premier League kadib markii uu chelsea kaga soo biiray sanadkii 2018.
Jorginho waxa uu ka horyimid qaar ka mid ah kuwa ugu fiican adduunka wakhtigaas. Laakiin markii la waydiiyay su’aasha xiddiga ugu fiican premier League waxa uu markiiba magacaabay 2 xiddig.
31-sano jirkaan ayaa ku tilmaamay xiddiga Manchester City Kevin De Bruyne xiddig aan la aamini karin.
Laakiin Jorginho ayaa xiddiga Liverpool ee Mohamed Salah ku tilmaamay xiddiga ugu fiican premier League.
Waxa uu u sheegay The Athletic: “Kevin De Bruyne waa ciyaartoy aan la aamini karin Laakiin Mohamed Salah ayaa ah heer kale, waxa aan Salah u dooranayaa xiddiga ugu fiican, waa xiddig orod badan, xoogan”ayuu sii raaciyay.