Dhuusamareeb (Radio Daar-Dheer)-Daafaca Manchester City Aymeric Laporte ayaa lagu soo waramayaa inuu u muuqday mid diirada u saaran kooxaha Arsenal iyo Juventus.
Laporte ayaa Man City joogay 5 sano iyo badh waxana uu kula guulaystay 12 koob mudadaas.
Inkasta oo uu 179 kulan oo uu u saftay xiddiga ayaa 12 kulan oo kaliya ciyaaray xilli ciyaareedkii hore ee Premier League.
Sidaas darteed xiddiga ayaa la filayaa in uu isaga tagayo kooxda Man City inta lagu jiro suuqa xagaaga iyada City u furantahay in ay iibiso xiddiga hadii ay hesho dalab fiican.
Sida ay sheegayaan wararku kooxaha Juventus iyo Arsenal ayaa doonaya saxiixa xiddiga inta lagu jiro suuqa kala iibsiga xagaaga.