Dhuusamareeb (Radio Daar-Dheer)- Xiddiga khadka dhexe ee Alexis Mac Allister ayaa lagu soo waramayaa in uu doortay Lambarka uu u xidhan doono kooxda Liverpool marka uu dhamaystiro ku biiristiisa Anfield.
Alexis Mac Allister ayaa si weyn loola xidhiidhinayaa kooxda Liverpool iyada oo Klopp uu doonayo in uu ku xoojiyo khadka dhexe ee kooxdiisa xilli ciyaareedka dambe.
Reds ayaa haatan isku diyarinaysa in ay si Rasmi ah ugu dhawaaqdo saxiixa xiddiga iyada oo uu xiddigu heshiiska shaqsiga ah la gaadhay kooxda Liverpool.
Sida laga soo xigtay wargayska Mirror, Xiddiga Alexis Mac Allister ayaa doortay No.10 si uu ugu xidho kooxda Liverpool marka uu dhamaystiro heshiiskiisa.
Lambark No.10 ayaa ah mid banaan tan ilaa markii uu Sadio Mane ka tagay kooxda Liverpool xagaagii mana jirto xiddig haatan kooxda u qaata Lambarka.
Xiddiga Alexis Mac Allister ayaa kooxda Brighton u qaata Lambarka No.10 waxana uu doonayaa in uu sii wato xidhashada Lambarka marka uu ku biiro Liverpool.