Dhuusamareeb (Idaacadda Daar-Dheer)-Kooxaha Liverpool iyo Arsenal ayaa ku kala baxay bar-baro 1/1 ah kulan ka dhacay Anfield kana tirsanaa horyaalka premier League.
Kulanka ayaa ahaa mid isku dheeli tiran iyada oo ay labada kooxood mid walba si fiican u ciyaartay.
Arsenal ayaa si dar-dar leh ku bilaabatay iyaga oo qaadayay weeraro deg-deg ah iyaga oo doonayay in ay dhaliyaan goolal wakhti hore ah.
Daqiiqadii 4-aad ayay Arsenal dhalisay goolka 1-aad waxana u dhaliyay daafaca Gabriel kaas oo hogaanka u dhiibay kooxdiisa ciyaartana ka dhigay 1/0.
Liverpool ayaa bilowday in ay ciyaarta ku soo laabtaan waxana ay doonayeen in ay wakhti hore ku soo laabtaan ciyaarta.
Arsenal ayaa dhinaceeda isku dayday in ay ciyaarto weerar rogaal celis ah xilli ay U ogaadeen Liverpool in ay kubada haystaan.
Daqiiqadii 29-aad ayay Liverpool dhalisay goolka bar-baraha waxana u dhaliyay Mohamed Salah kaas oo ciyaarta ku soo celiyay kooxdiisa.
Labada kooxood ayaa isku dayay in ay badiyaan ciyaarta iyaga oo sameeyay fursado badan oo cajiib ah.
Waxa sidaas ku dhamaatay ciyaarta oo ay labada kooxood ku kala bexeen bar-baro 1/1 ah isla markaas kala saraynta horyaalka waxba iska badalin.