Dhuusamareeb (Radio Daar-Dheer):-Kooxda Liverpool ayaa lagu soo waramayaa in ay heshiis la gaadhay xiddiga khadka dhexe ee kooxda Brighton ee Alexis McAllister sida ay sheegayaan wararku.
Laacibka ku guuleystay Koobka Adduunka ayaa xilli ciyaareedkan ku jira qaab ciyaareed cajiib ah waxana la filayaa in uu ka tago kooxdiisa haatan suuqa xagaaga.
Sida laga soo xigtay Tutumercato kooxda Liverpool ayaa dhigeeda Brighton kala heshiisay saxiixa xiddiga khadka dhexe si uu u noqdo saxiixa cusub ee Liverpool.
Liverpool ayaa la sheegay in ay ku dhawaad 53 milyan oo euro miiska u saartay kooxda Brighton si ay u hesho xiddiga khadka dhexe halka ay lacago gunooyin ah ku jirto heshiiska.
Waxa intaas sii dheer in ay Liverpool xiddiga khadka dhexe u soo bandhigtay heshiis ilaa sanadka 2028 oo uu ku joogis doono kooxda Liverpool.
Xiddiga Alexis McAllister ayaa la filayaa in uu noqdo saxiixa ugu horeeya ee kooxda Liverpool ee suuqa kala iibsiga xagaaga.