Dhuusamareeb (Idaacadda Daar-Dheer)-Guddoomiyaha Maamulka Gobolka Banaadir ahna Duqa Magaalada Muqdisho, Dr. Xasan Maxamed Xuseen (Muungaab), ayaa maanta dhagax-dhigay dhismaha Warta Siigaale ee degmada Hodan, taas oo ah warta ugu weyn caasimadda, islamarkaana biyo-qabad u ah ilaa todobo degmo oo ka tirsan magaalada.
Munaasabadda dhagax-dhigga waxaa ka qaybgalay Guddoomiye Ku-xigeenka Amniga iyo Siyaasadda, Mudane Maxamed Axmed Diiriye (Yabooh), Guddoomiye Ku-xigeenka Hawlaha Guud, Mudane Cabdimajiid Daahir Aadan, Guddoomiyaha degmada Hodan, Mudane Cali Fahle, iyo agaasimayaal ka tirsan Maamulka Gobolka Banaadir.
Waxaa soo jeedineya: Hamdi Dirie Ali.