Dhuusamareeb(Radio Daar-Dheer)-Madaxweynaha Dowladd Goboleedka Galmudug Ahmed Abdi Kaariye “QoorQoor” ayaa tababar u furay dufcadii koowaad ee ciidanka Booliska Galmudug.Tababarka ayaa maanta si rasmi ah uga bilowday Dugsiga tababarrada ee Degmada Cadaado ee Gobolka Galgaduud.waxaana furitaanka tababarka kaqayb galay wasiiru dowalaha wasaarada amniga Galmudug ahna sii hayaha xilka wasiirka,wasiirka arimaha gudaha Galmudug,taliyaha qaybta policeka Galmudug iyo madaxda maamulka Cadaao.
Madaxweynaha ayaa dardaaran u jeediyay cutubyadan cusub ee uu tababarka u furmay, waxaana uu sidoo kale madaxweynuhu ku ammaanay Wasaaradda Amniga Gudaha ee Galmudug xulista iyo diyaarinta ciidamadan la carbinayo, waxuuna ugu baaqay saraakiisha tababarka siinaysa in ay u dhameystiraan cutubyadan dhammaan adeegyada ay ubaahanyihiin si ay uga mid noqdaan ciidanka Booliska Galmudug.
