Dhuusamareeb (Radio Daar-Dheer)-Manchester City ayaa dalab 25 Milyan ah ka gudbisay saxiixa xiddiga khadka dhexe uga ciyaara kooxda Chelsea ee Mateo Kovacic.
Athletic ayaa shaaca ka qaaday bishii hore in Chelsea ay U ogolaatay Manchester City inay la hadasho Kovacic ka hor inta uusan u dhaqaaqin xagaagan.
Ciyaaryahankii hore ee khadka dhexe ee Real Madrid, oo 29 jir ah, ayaa doonaya inuu ku biiro kooxda heysata horyaalka Premier League iyadoo labada kooxood ay haatan ka shaqeynayaan sidii ay xal ugu heli lahaayeen.
Xiddiga reer Croatia ayuu hal sano ka dhimanyahay heshiiskisa kooxda Chelsea waana uu diiday in uu heshiis cusub u saxiixo kooxda.
Pep Guardiola ayaa doonaya in uu helo xiddiga maadama uu taageere u yahay xiddiga tan ilaa markii uu joogay kooxda Real Madird.
Kovacic ayaa chelsea kaga soo biiray Real Madrid sanadkii 2019 isaga oo markii hore uugu soo biiray qaab amaah ah ka hor inta uuna qaab toos ah ugu biirin.