Dhuusamareeb (Idaacadda Daar-Dheer)-Man United ayaa sii wada natiijooyinkii xumaa ee champions League kadib markii ay bar-baro niyad jab leh la galeen Galatasaray.
Kulanka ayaa ahaa mid xiiso leh oo ay labada kooxoodba soo bandhigeen qaab ciyaareed heer sare ah.
Man United ayaa si dar-dar leh ku bilaabatay ciyaarta waxana ay ahaayeen kooxda raadinaysa goolasha in ay dhaliyaan.
Daqiiqadii 11-aad ayay United dhalisay goolka 1-aad waxana u dhaliyay xiddiga Aljandro Garnacho kaas oo hogaanka u dhiibay kooxdiisa.
Daqiqadii 18-aad ayay United dheeraystay hogaanka ciyaarta waxana u dhaliyay xiddiga Bruno Fernandes kaas oo ciyaarta ka dhigay 2/0.
Kooxda Galatasaray ayaa daqiiqadii 29-aad iska soo baday hal gool waxana u dhaliyay xiddiga Hakim Ziyech kaas oo laad xor ah dhaliyay.
Daqiiqadii 55-aad ayay United dhalisay goolka 3-aad waxana u dhaliyay xiddiga Scott McTominay waxana uu ciyaarta ka dhigay 3/1.
Daqiiqadii 62-aad ayay Galatasaray dhalisay goolka 2-aad waxana daqiiqadii 62-aad laad xor ah oo kale u dhaliyay xiddiga Hakim Ziyech kaas oo ciyaarta ka dhigay 2/1.