Dhuusamareeb (Idaacadda Daar-Dheer)-Manchester United ayaa go’aansatay inay iska iibiso Jadon Sancho bisha January iyada oo Ten Hag xiddiga u arko mid saamayn xun ku leh kooxda inteeda kale.
Sancho ayaa laga saaray kooxda Man United tan ilaa bishii September sabab la xidhiidha tababar xumo.
Xiddigii hore ee Dortmund ayaa tababaraha ugu jawaabay baraha bulshada taas oo keentay in uu xidhiidhkoodu bur-buro.
Taas ayaa keentay in xiddiga laga saaro kooxda 1-aad iyada oo loo sheegay in uu raali galin bixiyo si uu ugu soo laabto kooxda.
Xiddiga ayaa diiday in uu raali galin siiyo tababaraha taas oo keentay in uuna xiddigu mar dambe xitaa tababar la qaadan kooxda.
Kadib markii uu diiday raali galinta xiddiga, Ten Hag iyo Man United ayaa go’aan ku gadhay in uu iska iibiyo xiddiga suuqa January.
Ten Hag ayaa aaminsan in uu xiddigu saamayn xun ku leeyahay kooxda waxana u fiican in uu iska fasaxo xiddiga suuqa January.