Dhuusamareeb (Idaacadda Daar-Dheer)-Kooxda Man United ayaa garaacday Chelsea kulan ka dhacay Old Trafford kana tirsanaa horyaalka premier League.
Man United ayaa heshay rikoodhe wakhti hore ah laakiin waxa rikoodhada si lama filaan ah u khasaariyay Bruno Fernandes kaas oo laga raacay kubada.
Kooxda Man United ayaa daqiiqadii 19-aad dhalisay goolka 1-aad waxana u dhaliyay xiddiga Scott McTominay kaas oo hogaanka u dhiibay kooxdiisa.
Daqiiqadii 45-aad ayay chelsea dhalisay goolka bar-baraha waxana u dhaliyay xiddiga Cole Palmer kaas oo ciyaarta ku soo celiyay kooxdiisa kana dhigay 1/1.
Waxa sidaas ku dhamaatay qaybta hore ee ciyaarta oo ay labada kooxood bar-baro ku yihiin isla markaas koox walba dhinaceeda fursado heshay.
Daqiiqadii 69-aad ayay Man United dhalisay goolka 2-aad waxana u dhaliyay Scott McTominay kaas oo wacdaro dhigay waxana uu ka dhigay ciyaarta 2/1.
Waxa sidaas ku dhamaatay ciyaarta oo ay Man United gaadhay guul muhiim ah oo ay kaga bexeen xaalada natiijo xumada.
Dhinaca kale Man City ayaa guuldaro lama filaan ah kala kulantay kooxda Aston Villa iyaga oo u dhaadhacay kaalinta 4-aad ee kala saraynta premier League.