Dhuusamareeb (Idaacadda Daar-Dheer)-Kooxda Man United ayaa guushii ugu horaysay ka gaadhay champions League kadib markii ay garaaceen kooxda Copenhagen kulan ka dhacay Old Trafford.
Man United ayaa maamulaysay ciyaarta wayna ka fiicnayd kooxda Copenhagen laakiin kooxda reer Denmark ayaa dhinaceeda marar badan halis galisay daafaca Man United.
Labada kooxood ayaa ku kala baxay bar-baro gool la’aan ah qaybtii hore ee ciyaarta iyaga oo aan wax goola ah kala dhalin.
Kooxda Copenhagen Ayaa ciyaaraysay weeraro halis ah laakiin waxa ka maqnayd dhamaystirka fursadaha ay samaynayaan.
Man United ayaa dhinaceeda samaynaysay fursado aan kala joogsi lahayn waxana ay raadinayeen in ay dhaliyaan goolal.
Daqiiqadii 72-aad ayay Man United dhalisay goolka 1-aad waxana u dhaliyay xiddiga Harry Maguire kaas oo hogaanka u dhiibay kooxdiisa.
Man United ayaa gashay daafac daqiiqadihii ugu dambeeyay iyada oo kooxda Copenhagen weerar noqotay.
Daqiiqadii ugu dambaysay ayaa kooxda Copenhagen loo dhigay rikoodhe kadib markii uu McTominay khalad galay.
Laakiin Goolhaye Onana ayaa noqday Geesiga United waxana uu kooxdiisa u badbaadiyay goolka.
Waxa sidaas ku dhamaatay ciyaarta oo ay Man United guul dirqi ah ka gaadhay kooxda Copenhagen
Dhinaca kale Real Madrid ayaa gaadhay guul muhiim ah oo ay ka gaadhay kooxda Braga.