Dhuusamareeb (Idaacadda Daar-Dheer)-Kooxda Man United ayaa iska xaadirisay Final-ka FA Cup-ka Kadib markii ay Garaaceen Kooxda Nottingham Forest kulan ka dhacay garoonka Old Trafford.
Man United ayaa kulanka ku soo gashay shax adag iyada oo uu Erik Ten Hag doonayo koobkiisii ugu horeeyay Man United.
Kulanka ayaa ahaa mid adag iyada oo Nottingham Forest iska caabin weyn kala hor tagtay Man United isla markaas samaysay fursado badan oo ay United kaga dhalin kartay goolal.
Waxa bar-baro gool la’aan ah ku dhamaatay qaybta hore ee ciyaarta oo ayna labada kooxood wax goolal ah kala dhalin.
Qaybta dambe ayay Man United ahayd kooxda fiican iyaga oo doonayay in ay dilaan ciyaarta isla markaas Nottingham Forest ka dhaliyaan goolal.
Daqiiqadii 73-aad ayay Man United dhalisay goolka 1-aad ee ciyaarta waxana u dhaliyay xiddiga Anthony Martial kaas oo hogaanka u dhiibay kooxdiisa.
Man United aya sii waday dadaalada ay ku doonaysay in ay ku dhaliyaan goolal ay ku dilaan ciyaarta kuna dilaan rajada kooxda Nothingham Forst.
Daqiiqadii 76-aad ayay Man United dhalisay goolka 2-aad waxana u dhaliyay xiddiga Fred kaas oo ciyaarta ka dhigay 2/0 ay Man United ku hogaaminayso.
Waxa sidaas ku dhamaatay ciyaarta oo ay Man United guul 2/0 ah gaadhay isla markaas iska xaadirisay Final-ka koobka Carabao cup-ka lana ciyaari doonto Newcastle.