Dhuusamareeb (Idaacadda Daar-Dheer)–Jermaine Jenas ma rumaysna in Erik ten Hag uu ku habboon yahay Manchester United, isagoo sheegay in siyaasad xumada xumada Tababaraha reer Holland ay dhibaato ku keentay.
Man United ayaa wakhti fiican ku qaadatay xilli ciyaareedkii ugu horeeyay ee Ten Hag isaga oo ku hogaamiyay Carabao cup-ka sidoo kale kooxda u soo saaray champions League.
Si kasta ha ahaatee xilli ciyaareedkan, United ayaa si weyn u dhibaatoonaysa iyada oo laga badiyay 5 ka mid ah 12-kii kulan ee ugu horeeyay premier League halka ay kaalinta ugu hoosaysa kaga jirto champions League.
“Ma arko xiddigo u ciyaaraya isaga, waxa aan arkaa xiddigo aan garanayn waxa ay qabanayaan”ayuu u sheegay TalkSport.
“Uma maleynayo inuu yahay tababare ku fiican kooxda, maan arag qaab ciyaareed iyo maamul waxana ay taasi igu dhalinaysaa in aan is waydiiyo ma yahay tababaraha saxda ah”.
“Ma arki karo waxa uu qorshihiisa ku saleysan yahay ciyaartoyda uu soo iibsanayo – taasi waa mid aniga igu weyn. Waxa kaliya ee uu iibsanayo waa waxa uu yaqaan halkii uu sii iibsan lahaa xiddigo u fiican Man United”.