Dhuusamareeb (Radio Daar-Dheer)-Saxiixa cusub ee kooxda Manchester United Mason Mount ayaa xiran doona nambarka 7-aad ee kooxda kadhisan Old Trafford.
Xiddiga kubad sameeyaha ah ayaa 5 sano u saxiixay kooxda Man United kadib markii uu 60 milyan ugu soo biiray kooxda ku ciyaarta Old Trafford.
Lambarka No.7 ayaa ah mid caan ka ah Man United iyada oo ay kooxda u soo xidheen Halyeeyo ay ka mid yihiin George Best, Bryan Robson, David Beckham, Eric Cantona & Cristiano Ronaldo.
Lambarka ayaa ahaa mid banaan tan ilaa markii uu Cristiano Ronaldo ka tagay kooxda bishii November ee la soo dhaafay.
Xiddiga Alejandro Garnacho ayaa la sheegayay in uu lambarka u qaadan doono kooxda laakiin Man United ayaa haatan xaqiijisay in uu Mount u xidhan doono kooxda.