Dhuusamareeb (Radio Daar-Dheer)-Mas’uuliyiin sare oo ka tirsan maamulka gobolka Mudug iyo kan degmada Hobyo ayaa maanta kormeer ku tagay mashruuca bacaad-celinta ee ka socda gudaha magaalada xeebeed ee Hobyo.
Mashruucan oo ah mid lagu hor istaagayo faafitaanka bacaadka, ayaa lagu fulinayaa iyada oo la adeegsanayo dhir-beeris istiraatiiji ah, si loo ilaaliyo deegaanka una xoojiyo kaabeyaasha nolosha ee magaalada.
Guddoomiyaha degmada Hobyo iyo saraakiil kale oo la socday ayaa uga warbixiyay mas’uuliyiinta heer gobol heerka uu marayo mashruucu iyo muhiimadda uu u leeyahay bulshada deegaanka.
Warkaan waxaa soo jeedinaysa: Hamdi Dirie