Dhuusamareeb (Radio Daar-Dheer)-Tabaraha Kooxda Chelsea Enzo Maresca ayaa aaminsan in Moises Caicedo hadda loo tixgelin karo isla heerka xiddigaha Declan Rice iyo Rodri.
Caicedo, oo 115 milyan kaga soo biiray Brighton sannadkii hore, ayaa ku dhibtooday inuu joogteeyo qaab ciyaareedkiisa xilli ciyaareedkii hore waxana uu la kulmay dhaleecayn xoogan.
Laakin xiddiga heerka caalami ee dalka Ecuador waxa uu ka mid ahaa ciyaaryahannada ugu fiican chelsea xilli ciyaareedkan.
Dhanka kale, Rice ayaa sii ah xiddig muhiim ka ah khadka dhexe ee kooxda Arsenal Maresca ayaana rumaysan in Caicedo la mid yahay xiddiga reer England.
“Waa hubaal waxa uu la heer yahay Rice, taas shaki kuma jiro”.
“Nasiib darro, Rodri waa dhaawacmay laakiin Declan wuu ciyaarayaa. Laakiin waxaan filayaa in Moises uu miiskaas la fadhiisan karo ciyaaryahan khadka dhexe ah”.