Dhuusamareeb (Radio Daar-Dheer)-Moises Caicedo iyo wakiiladiisa ayaa lagu soo waramayaa inay maamulka Brighton u sheegayaan in ay hoos u dhigaan qiimaha ay ku iibinayaan xiddiga.
Chelsea ayaa si aad ah u doonaysa xiddiga Khadka dhexe ee Moises Caicedo iyaga oo doonaya in ay xoojiyaan khadka dhexe.
Chelsea ayaa ilaa haatan dalabyo badan ka gudbisay saxiixa xiddiga reer Eucador iyaga oo dalabkoodii ugu dambeeyay ahaa mid 80 milyan ah.
Caicedo ayaa haatanba heshiiska shaqsiga ah la gaadhay kooxda chelsea waxana kaliya heshiiska ka dhiman in ay labada kooxood ka heshiiyaan qiimaha.
Brighton ayaa ilaa haatan dalbanaysa lacag dhan 100 milyan oo euro si ay u fasaxdo xiddiga Caicedo inta lagu jiro suuqa xagaaga.
Sida laga soo xigtay The Times, Caicedo iyo wakiiladiisa ayaa kooxda Brighton u sheegaya in ay hoos u dhigaan qiimaha 100-ka milyan ee ay ku qiimayso xiddiga.