Dhuusamareeb (Radio Daar-Dheer)-Munaasabadaaan ballaaran ee lagu qabtay Degmada Guriceel ayaa waxaa ku qalin-jabiyay laba dufcadood oo kala ah dufcaddii 5-aad iyo 6-aad ee heer bachelorka ee Jaamacadda Golden faraceeda Guriceel.
Munaasabadda waxaa ka soo qeybgalay masuuliyiin heer degmo iyo heer dowlad-goboleed ah oo ka tirsan Galmudug, xildhibaano, wasiiro, bahda waxbarashada, dhaqaatiir, haween, dhalinyaro, ardaydii hore uga qalin-jabisay jaamacadda, waalidiin, iyo marti sharaf kale Intii ay munaasabadda socotay, ardaydii qalin-jabisay ayaa la guddoonsiiyay shahaadooyinkoodii, iyadoo tirada ardaydu ay ka koobnaayeen 27 qof.
Warkan waxaa soo jeedinaya: Liban Mohamed Abdi