Dhuusamareeb (Radio Daar-Dheer):-Kooxda Man United ayaa guuldaro kala kulantay Newcastle United kulan ka tirsanaa premier League kana dhacay garoonka St.Jame’s Park.
Waxa bar-baro gool la’aan ah ku dhamaatay qaybta hore ee ciyaarta iyada oo labada kooxoo ayna wax goolal ah iska dhalin.
Qaybtii dambe ayay Newcastle si dar-dar leh ku bilaabatay ciyaarta iyaga oo United ku qaadayay weeraro aan kala joogsi lahayn.
Kadib dadaalo waali ah oo ay samaysay Newcastle United ayaa daqiiqadii 65-aad dhalisay goolka 1-aad ee ciyaarta waxana u dhaliyay xiddiga Joe Willock kaas oo hogaanka u dhiibay kooxdiisa ciyaarta.
Newcastle ayaan halkaas ku joogsan waxana ay ahaayeen kooxda fiican xilli ay man United ku dhibaatootay in ay wax saamayn ah samayso.
Kooxda Newcastle ayaa marar badan ku dhawaatay in ay dhaliso goolal kale laakiin nasiibka ayaa u diiday in ay dheeraystaan goolalka.
Daqiiqadii 88-aad ayay Man United dhalisay goolka 2-aad waxana u dhaliyay xiddiga Callum Wilson kaas oo hogaanka u dheereeyay kooxdiisa.
Waxa sidaas ku dhamaatay ciyaarta oo ay Newcastle Man United garaacday kalana wareegtay kaalinta 3-aad oo ay kaga horayso farqiga goolasha.