Dhuusamareeb (Idaacadda Daar-Dheer)-Inkastoo ay Man City sida ay doonaan u maamuleen kulankaan hadana waqtigii geerida ayaa bar bar dhac lagu qabtay iyadoo ay ciyaarta ku dhamaatay min hal gool
Sheekada qeybta hore : Nottm Forest waxaa nasiinada loogu diray hal gool cajiib ahaa kasi oo uu dhamaadkii dhaliyay Silva ka dib ciyaar City si waliba u maamuleen , waxa uuna Silva dhaliyay gool gantaal ahaa .
Nottm Forest waxa ay ku tiirsanaayeen rogaal celiska balse ma aheyn kuwo halis ah xilli City fursado xaqiiq ahaa ay qeybtaas hore iska qasaariyeen , waxa ayan City ka dhameystirnaayeen meel waliba.
City waxa ay ku ciqaabeen Nottm Forest maamulka kubadda iyaga ayaana sida ay doonaan yeelanayay xilli dagaal ugu jireen in goolal dheeraad ah dhaliyaan balse kooxda garoonka ayaa daafac ahaan ahaa kuwo foojigan balse heer dhan %82 City kubadda iyaga ayaa isku dhajiyay .
City waxa ay door bidiyeen kubadaha meel fog laga laadayo oo banaanka ayay goosah ka toganayeen maadaama Nottm Forest daafac ku jieen sidaas oo ay tahay waa laga filan karayay gool dheeraad ah .
Dadaalkii Nottm Forest waxa ay ku keeneen goolka bar bar dhaca ka dib markii is badel weyn sameeyeen dhamaadkii waxa ayan heleen goolka daqiiqadii 84-aad .
Waqtigii geerida si waliba ayay City u dadaaleen balse waxaa loogu dhameeyay min halkaas gool oo ay hadiyadda ku heshay Arsenal oo kulankoodii maanta badiyay .