Dhuusamareeb (Idaacadda Daar-Dheer)-Kooxda reer France ee Paris Saint-Germain ayaa ku dhawaaqday in xiddiga Neymar uu garoomada ka maqnaan doono inta ka dhiman xilli ciyaareedkan kadib markii uu qaliin maray dhamaadki bishii hore.
Ciyaaryahanka ayaa dhaawac canqowga ah ka soo gaaray kulankii Lille ee horyaalka Faransiiska 20kii bishii hore, waxaana uu ka maqnaa kooxda tan iyo markaas.
Kooxda Paris Saint-Germain ayaa war rasmi ah oo ay soo saartay ku xaqiijisay in Neymar da Silva oo ku dhibaatootay dhaawacaas sanadihii ugu dambeeyay uu maray qaliin garoomada uu uga maqnaan doono.
Go’aankan ayaa yimid kadib markii ay khabiiro badan kula taliyeen in uu dhaawacan soo laaban doono hadii uuna qaliin galin.
Sidaas darteed PSG ayaa shaacisay in uu xiddigu garoomada ka maqnaan doono 3 ilaa 4 bilood taas oo la macno ah in uuna mar kale u ciyaari doonin kooxdiisa.