Dhuusamareeb (Radio Daar-Dheer)-Xiddiga kooxda Liverpool ee Trent Alexander-Arnold ayaa laga saaray waajibaadka xulka qarankiisa England kadib dhaawac soo gaaray.
Kabtan ku xigeenka Liverpool ayaa seegi doona kulammada dalkiisa ee Ukraine iyo Scotland kadib markii uu ku dhaawacmay kulankii Aston Villa.
Alexander-Arnold ayaa haatan bilaabi doona ka soo kabsashada dhaawaca isaga oo la shaqayn doona dhakhaatiirta kooxda Liverpool.
Xiddiga reer England ayaa sidoo kale shaki ku jiraa taam ahaanshihiisa kulanka Wolves ee kadib fasaxa xulalka.
Klopp ayaa rajaynaya in uu xiddigu si buuxda uga soo kabsado dhaawaca soo gaadhay kadib kulanka Wolves ee bartamaha bishan haatan lagu jiro.