Dhuusamareeb (Idaacadda Daar-Dheer)-Kooxaha Real Madrid iyo Atletico Madrid ayaa ku kala baxay bar-baro 1/1 ah kulan ka dhacay Bernabue kulan ka tirsanaa horyaalka La Liga.
Real Madrid ayaa ahayd kooxda maamulaysa ciyaarta sidoo kale ahayd kooxda samaysay fursado cajiib ah oo ay goolal ku dhalin kareen.
Dhinaca kale Atletic Madrid ayaa difaac ku jirtay iyaga oo dhinaca kale adeegsanayay weeraro rogaal celis ah oo ay doonayeen in ay ku ciqaabaan Real.
Atletico Madrid ayaa dhinaceeda helaysay fursado yar-yar oo ay ku dhalin gaadheen goolal ay ciyaarta wax kaga badalaan.
Daqiiqadii 64-aad ayuu Atletico Madrid xaalku ku xumaaday kadib markii kaadhka cas loo taagay xiddiga Angel Correa.
Wixii intaas ka dambeeyay Real Madrid ayaa dar-dar galisay sidii ay u dhalin lahayd goolal maadama ay Atletico Madrid 10 xiddig noqotay.
Laakiin Atletico Madrid ayaa daqiiqadii 78-aad dhalisay goolka 1-aad waxana u dhaliyay Jose Maria Gimenez kaas oo hogaanka u dhiibay kooxdiisa.
Real Madrid ayaa bilowday in ay raadiso goolka bar-baraha iyaga oo Atletico Madrid ku qaadayay weeraro aan kala joogsi lahayn oo ay goolal ku doonayeen.
Daqiiqadii 85-aad ayay Real Madrid dhalisay goolka bar-baraha waxana u dhaliyay da’yarka Alvaro kaas oo ciyaarta ku soo celiyay kooxdiisa ciyaartana ka dhigay 1/1.
Waxa sidaas ku dhamaatay ciyaarta oo ay Labada kooxood ku kala bexeen kuna heshiiyeen in ay qaybtsadeen dhibcaha kulamada.