Dhuusamareeb (Idaacadda Daar-Dheer)-Xiddiga weerarka uga ciyaara kooxda Barcelona ee Robert Lewandowski ayaa haatanba magacaabay xiddiga ku guulaysan doona abaalmarinta Ballon d’Or ee sanadka dambe.
Xiddiga Karim Benzema ayaa ah xiddiga haatan haysta abaalmarinta kadib markii uu ku guulaystay bilihii la soo dhaafay ee sanadkan.
Robert Lewandowski oo wali raadinaya ku guulaysiga abaalmarinta Ballon d’Or ayaa aaminsan in uuna nasiib u yeelan doonin ku guulaysiga abaalmarinta sanadka 2023.
“Miyuu iska cadyahay xiddiga ku guulaysan doona abaalmarinta Ballon d’Or sanadka 2023? Haa dabcan ayuu” Robert Lewandowski U sheegay Mundo Deportivo.
“Waxaa laga yaabaa inuu jiro hal ciyaaryahan oo kale ku tartami kara waana Mbappe laakiin koobkii adduunka ayaa go’aamin doona xiddiga ku guulaysan doona sanadkan”.
“Leo Messi ayaa hadda ugu cad-cad ku guulaysiga koobka adduunka, sababta oo ah waxa uu ku guulaystay koobka adduunka”ayuu hadalkiisa ku soo xidhay.
Messi ayaa raadinaya in uu markii 8-aad ee taariikhdiida ku guulaysto abaalmarinta waana xiddiga haatan ugu guulaysiga badan.
Ku guulaysiga koobka adduunka iyo waliba in uu tartanka soo bandhigay qaab ciyaareed cajiib ah ayaa Messi si weyn uga caawin kara ku guulaysiga abaalmarinta.