Dhuusamareeb (Idaacadda Daar-Dheer)-Kooxda Southampton ayaa qarxisay lama filaan kadib markii ay garaacday kooxda chelsea oo garoonkeeda joogta
Kulanka ayaa ahaa mid dhibaatada chelsea sii socoto inkasta oo ay lacagta ugu badan galiyeen suuqii January iyada oo xiddigeheeda cusub mar kale fashilmeen.
Blues ayaa kulanka wax walba ka samaysay laakiin waxa kaliya ee ka maqnaa ayaa ahaa in ay gool dhaliyaan xilli ay Southampton daafac adag ku jirtay.
Southampton ayaa daaqaysay weeraro rogaal celis ah oo ay ku doonayeen in ay ku dhaliyaan gool laakiin umay suurtagalin.
Qaybtii hore ayaa ahayd mid ay chelsea si weyn u dhibaatootay xilli ay Southampton daafac adag ku jirtay.
Kooxda Southampton ayaa daqiiqadii 45+1-aad dhalisay goolka 1-aad ee ciyaarta waxnaa u dhaliyay xiddiga James Word-Prowse kaas oo hogaanka u dhiibay kooxdiisa.
Waxa sidaas ku dhamaatay qaybta hore ee ciyaarta oo ay Blues mar kale si xun u ciyaartay xilli Southampton dhalisay gool cajiib ah oo laad xor ah.
Qaybta dambe ayay chelsea wax walba u samaysay sidii ay u dhalin lahayd goolka bar-baraha xilli ay Southampton difaac gashay isla markaas weerar rogaal celis ah ciyaaraysay.
Arinta la yaabke leh aya ah in ay chelsea 16 laad ku laagtay goolka Southampton isla markaas la heshay goolka 6 laakiin ku dhibaatootay in ay kubada shabaqa dhex dhigto.
Waxa sidaas ku dhamaatay ciyaarta oo ay Southampton xaalka ku xumaysay kooxda chelsea dhabarkana u saartay guuldaro lama filaan ah xilli xaalka Blues ee guuldaroyinku sii socdaan.