Dhuusamareeb (Idaacadda Daar-Dheer)-Tababaraha kooxda Real Madrid, Carlo Ancelotti, ayaa si cad u sheegay in xiddiga reer Brazil, Vinicius Jr, uusan qorsheyneyn inuu u wareego horyaalka Sucuudiga, inkastoo ay jiraan dalabyo waaweyn oo halkaas ka yimid.
Ancelotti oo la hadlay warbaahinta ayaa yiri: “Dalab ka yimid Sucuudiga? Waxaan idiin xaqiijinayaa in Vinicius Jr uu doonayo inuu sii joogo Real Madrid… wuxuuna rabaa inuu halkaan kula guuleysto dhamaan koobabka suurtagalka ah.”
Macallinka Talyaaniga ah ayaa sidoo kale xusay inuu fahamsan yahay isbeddelka ka socda kubadda cagta, gaar ahaan xiddigaha dooranaya inay ka tagaan Yurub una wareegaan horyaalka Sucuudiga. Si kastaba ha ahaatee, wuxuu xaqiijiyay in Vinicius Jr uu doortay sharaf iyo guulo taariikhi ah oo uu la gaaro Los Blancos.
“Haddii ciyaaryahan ka tago Real Madrid kuna biiro Sucuudiga? Waan fahmi karaa sababaha, sida go’aanka Toni Kroos… laakiin Vinicius wuxuu doortay inuu halkaan sii joogo oo uu raad ku yeesho taariikhda Real Madrid,” ayuu yiri Ancelotti.