Dhuusamareeb (Radio Daar-Dheer):-Inkasta oo wakhti hore lagu kala baxay tartanka horyaalka La Liga xilli ciyaareedkan hadana waxa wacdaro ama uu tartan cajiib ah ka taaganyahay gool dhalinta horyaalka La Liga.
Xiddiga Barcelona ee Robert Lewandowski ayaa xilli ciyaareedkan wacdaro ka dhigay horyaalka bilowgii xilli ciyaareedkan waxana uu ilaa haatan dhaliyay 19 gool horyaalka.
Laakiin Xiddiga Karim Benzema oo si hoosaysa ku bilowday xilli ciyaareedka ayaa dib u soo laabtay isaga oo wacdaro ka dhigaya horyaalka La Liga qaybtii dambe.
Benzema ayaa ilaa haatan dhaliyay 17 gool waxana uu kaliya 2 kulan u jiraa xiddiga Lewandowski inkasta oo uuna si fiican ku bilaaban xilli ciyaareedka.
Lewandowski ayaa hal gool dhaliyay kulankii ay Barcelona 4/0 uga badisay kooxda Real Betis halka uu Benzema dhaliyay 3 gool kulankii ay Real xasuuqday Almeria.
Hadaba halkan hoose Kaga bogo sida uu yahay tartanka gool dhalinta La Liga.
- Robert Lewandowski (Barcelona) 19 Gool
- Karim Benzema (Real Madrid) 17
- Enes Unal (Getafe) 13
- Joselu (Espanyo) 13
- Borja Iglesias (Real Betis) 12