Dhuusamareeb (Idaacadda Daar-Dheer)-Guddoomiyaha Degmada Cadaado, Farah Dirie Warsame, ayaa goobjoog ka ahaa munaasabad uu Ururka Gargaar Organization ku wareejiyay deeq buugaag ah oo ka kooban 60 kartoon oo buug. Deeqdan ayaa qeyb ka ah hal konteyner oo Gargaar Organization uu ugu talagalay inuu waxbarashada ku kobciyo lix degmo oo ka tirsan Galmudug.
Isku duwaha Waxbarashada Degmada Cadaado, Hussein Ali Sahal, ayaa si rasmi ah ula wareegay buugaagta, isagoo uga mahadceliyay Gargaar Organization taageeradooda waxbarasho iyo ka qeyb qaadashada horumarinta aqriska iyo qoraalka bulshada. Guddoomiyaha Gargaar, Ahmed Abdullahi Ahmed “Gaardiid,” ayaa sidoo kale xusay in mashruucani uu qeyb weyn ka yahay dadaallada waxbarashada ee bulshada reer Galmudug.