Dhuusamareeb (Radio Daar-Dheer):–Weeraryahanka kooxda Paris Saint-Germain ee Kylian Mbappe ayaa qirtay in uu taageere u yahay kooxda AC Milan habeenkii abaalmarinta The Best markaas oo uu sheegay in uu kaliya ka ciyaari doono kooxda Ac Milan hadii uu tago horyaalka Talyaaniga.
Weeraryahanka reer France ayaa ka mid ahaa ciyaartoy badan oo lagu sharfay abaal-marinaha waxana uu ka jawaabay su’aal laga waydiiyay kooxda uu u ciyaaro doono hadii uu horyaalka Talyaaniga tago.
Waxa jirta sabab cad oo uu dareen gaar ah ugu hayo kooxda Ac Milan mana ahan markii ugu horaysya ee uu adduunka la wadaago sababta ka dambaysa jacaylka uu u qabo kooxda Ac Milan.
“Xiriirka aan la leeyahay Milan waa mid gaar ah, markii aan caruurta ahaa waxa aan lahaa gabadh i ilaalisa oo Talyaani ah waxana aan qoyskooda oo Talyaani ah la qaatay wakhti badan, dhamaantood waxa ay taageere u ahaayeen Ac Milan”.
“Sidaas darteed waxa aan aniguna taageere u noqday kooxda Ac Milan waxana aan daawaday kulamo badan oo Ac Milan ah”.