Dhuusamareeb (Radio Daar-Dheer)-Wasiirka Wasaaradda Arrimaha Gudaha, Federaalka iyo Dib-u-Heshiisiinta Dowladda Galmudug, Mudane Cabdi Maxamed Jaamac (Waayeel), ayaa ka qaybgalay Kulan Sanadeedka 3-aad ee Guddiga Hagidda Dad-dhigista iyo Tirakoobka Xaaladaha Madaniga oo lagu qabtay magaalada Muqdisho.
Kulankan oo diiradda lagu saaray horumarinta dadaallada la xiriira dad-dhigista iyo tirakoobka xaaladaha madaniga, ayaa waxaa kasoo qaybgalay mas’uuliyiin ka kala socday heer federaal iyo dowlad-goboleedyo.
Wasiir Cabdi Waayeel ayaa bogaadiyay horumarka laga sameeyay howlaha dad-dhigista, isagoo tilmaamay in tirakoob sax ah oo lagu saleeyo sharciga dalka uu muhiim u yahay qorsheynta adeegyada bulshada iyo dhismaha dowlad wanaagga.
Warkan waxaa soo jeedinaya: Abdidahir Garad Ali