Dhuusamareeb (Radio Daar-Dheer)-Kooxda kubadda Cagta ee Maamulka Galmudug ayaa ku guulaysatay koobka maamul goboleedyada iyo gobolka Banaadir kadib ciyaar xiiso badnayd oo ay maanta la dheeleen dhiggooda Hirshabeelle.
Kulanka kama dambaysta ee ciyaaraha maamul goboleedyada iyo gobolka Banaadir oo ka dhacay garoonka ciyaaraha Stadium Muqdisho degmada Warta nabadda ee gobolka Banaadir ayaa sagaashankii daqiiqo ee ciyaarta kusoo idlaaday 0-0 balse rigooreyaal loo dhigay labad kooxood ayaa 4 iyo 1 guushu ku raacday kooxda metelaysay maamulka Galmudug.
Madaxwaynaha Dowlad goboleedka Galmudug Axmad Cabdi Kaariye Qoor qoor ayaa ciyaarta kadib waxaa uu hambalyo udiray kooxda Galmudug iyo dhiggooda Hirshabeelle oo kama dambaysta soo gaaray sidoo kalena kaalinta labaad ka galay tartanka.
Warkan waxaa soo jeedinaya: Abdidahir Garad Ali